Lololol...........

[maha.adnan]

R-m




































--------------------------------------------------------------------------------



























*إليكم هذا الحوار بين إمرأة أيام زمان وزوجها *



الزوج: - مرحبا يامرة… شو عاملتينا عشا اليوم؟


الزوجة: - يه يه يه… تقبر عضامي… إجيت حبيبي؟!! تقبرني شو حركتك خفيفة ومابتزعج
حدا… لك حلّت البركة على أرض الديار يا روحي… طابختلك ويالنجي وكبة لبنية
تقبشني …


الزوج: - يا الله يالله بلا كتر غلبة، قومي حطي الأكل قومي..


الزوجة: - لك إي مو تكرم ابن عمي… مو تكرم… لك من هالعين هَي قبل هَي …


الزوج: - ناموا الولاد؟


الزوجة من المطبخ: - ناموا حبيبي ناموا على عشية، وحميتلّك الحمام يا عمري …


الزوج بعد أن يرى أصناف المائدة أمامه: إيييييييييييييييييييييييه .. باين
السهرة رح تحلى اليوم…


يمضغ اللقمة الأولى ويقول: - ممممممممممممم طيبة هالكبة طيبة!!!


الزوجة رافعة يدييها للسماء: - لك روح… ربي مولايي يبيضلك أيامك… ويبعد عنك
ولادين الحرام يا حق ..


ينهي الزوج طعامه قائلاً: - الحمد لله…


الزوجة: - عجبك الأكل يا عمري …


الزوج: - إي والله… تسلم إيديكي… تعبتك معي..


الزوجة مرتبكة من الفرح: - عجبك الأكل؟؟!… لك تطلع على قبري شو إنّك هني وبتعرف
تحكي… لك تكفنّي بإيديك على هالكلام الحلو يا حق.. بكرة بدي أعملّك محشي وبطاطا
بالفرن إي بدك تاكل أصابيعك وراهن… بعدين شو تعبتني وما تعبتني؟!… ليش أنا عندي
غيرك بالدنيا يا حبيبي؟!!، لك تشكل آسي ياحق …


الزوج وهو ينشّف يديه بعد غسلها: - جاهز الحمام يا مرة ؟؟


الزوجة بخجل… وبابتسامتها الحلوة : - ولَو تقبشني… ولَو!!! وحطيطيلك صابونة غار
من يللي جابتهم أمك تقبرني..




*وإليكم هذا الحوار بين (إمرأة اليوم وزوجها) *



الزوج: - مرحبا يا حلوة… شو عاملتينا عشا اليوم؟


الزوجة متلقحة على الكنبة وبيدها جريدة: - شو إيمتى جيت؟؟ مبكّر مو على عادتك
يعني… على كلٍ عملتلك مجدرة برغل وعدس… شو بدي أطبخلك يعني؟! مو مبارح أكلت
لحمة بالصينية؟؟ …


الزوج: - يا الله تقبشيني، قومي حطيلنا الأكل لناكل..


الزوجة: - ليكو الأكل عندك بالمطبخ… وين بدو يروح يعني؟؟!! كمان بدي جبلك الأكل
لحد عندك؟ !


الزوج باتجاهه إلى المطبخ: - ناموا الولاد على حد علمك؟


الزوجة: إي شو نيّمهم هلق وبكرة عندهم عطلة؟؟؟ …


الزوج يحدث نفسه من المطبخ: العمى شو هالمجدرة؟؟!!!!!…


يمضغ اللقمة الأولى ويقول: - إي والله كأني عم آكل بحص مو برغل!!!


الزوجة : - شو عم تبَروِت يا رجال؟؟


ينهي الزوج طعامه قائلاً: آ…؟؟ مو شي حبيبتي… موشي…


الزوجة: - عجبك الأكل؟


الزوج بإحباط: - إي طبعاً طبعاً… تسلم إيديكي…


الزوجة بتأفف: - معناها كل يوم بعملك منها إذا حبيت…


الزوج وهو ينشّف يديه: جاهز الحمام يا ترى؟؟


الزوجة ترمي الجريدة أرضاً صارخة في وجهه: - العمى على هالقصة… طبختِ يامرة؟…
ناموا الولاد يامرة؟…جاهز الحمام يا مرة؟… إي شو أنا ما عندي شغل


غيرك؟؟؟ ورصاص












تألمت كثيراً عندما وجدت نفسي حافي القدمين ...ولكنني شكرت الله كثيراً حينما وجدت آخر ليس له قدمين

---

Lololol>>>>>>>>>>>

[روضة]

ههههههههه الله يصلح الحال

لا يعلمن ان من تطيع زوجها تدخل الجنة وان الله لو امر بعبد ان يسجد لعبد لامر المرأة بأن تسجد لزوجها


ولكن وصول الامر لهذه الحال سببه من الزوج أم الزوجة ؟؟؟؟

[كريم القوصي]

ههههههههههههههههه اضحك الله سنك اختي الكريمة مها

الزوج والزوجة شقين لشئ واحد فلابد ان يكون السبب من الطرفين

لا بد ان يكون هناك تفاهم وانسجام من اجل استمرار الحياة

وهناك ايضا الضغوط الخارجية التي تسبب الانقسام والفرقة بين الزوج والزوجة

[محمد نصر]

اضحك الله سنك اختنا الكريمه مها

اهلا بكي في الملتقي

وننتظر المزيد من مواضيعك الطيبه الرائعه

[مزنه]

ههههههههههههههههه

والله حوواااااااار جميل

تذكرت المسلسلات السورية ولهجتهم الحلوووووووه

مشكوووووووورة اختي ننتظر مواضيعك