مسابقه الملتقي الرمضانيه لشهر رمضان 1431هجريه ((( مسابقه منوعه وبجوائز فوريه ))) ننتظر مشاركتكم

[ابراهيم عبدالله]

	المشاركة الأصلية كتبت بواسطة محمد نصر

	ان شاء الله اخر سؤال غدا بأذن الله عمي ابراهيم وان شاء الله يكون هناك المزيد من المسابقات

اشكرك شكرا جزيلا الابن ****** المهذب
محمد نصر
وانتهز هذه الفرصة لاتقدم لشخصكم الكريم
بخالص شكرى وتقديرى لما قمتم به من جهد
طوال شهر رمضان المبارك داعيا المولى عز وجل
ان يديم عليكم نعمة الصحة والستر جزاك الله عنا
خير الجزاء وبارك الله فيك وفى اهل بيتك

[عبداللطيف الصاوي]

اشكرك شكرا جزيلا الاخ ****** المهذب
محمد نصر
وانتهز هذه الفرصة لاتقدم لشخصكم الكريم
بخالص شكرى وتقديرى لما قمتم به من جهد
طوال شهر رمضان المبارك داعيا المولى عز وجل
ان يديم عليكم نعمة الصحة والستر جزاك الله عنا
خير الجزاء وبارك الله فيك وفى اهل بيتك

[alhilal]

بهذه المناسبة اشكر جزيل الشكر لاخي ومعلمي فارس وشكر خاص للادارة الاخ فارس والاخت حنان والاخ ابوصهيب على دعمهم لهذه المسابقة الشيقة وشكر خاص للاخ المهذب المشرف العام الاخ محمد نصر الذي لايكل ولايمل شعلة الملتقى ماشاء الله عليه وعيني عليه بارده وربي يكثر من امثاله المخلصين الطيبين

وكما لايفوتي ان اشكر الاخ عليان حبيب القلب واشكر خالي ابوفاطمه واشكر كل اللي في الملتقى مشرفين واعضاء وربي يوفق الجميع لمايحب ويرضا

[عليان]

توني ادخل للموضوع وشفت الدعوى شكر في شكر وحيث انني عود من حزمه فسوف ادلو بدلوي وانشاء الله دلوي ما ينقطع مثل دلو بعض الاخوان لان دلوي حبله اطول من دلو خوي صويلح ولكن دلو خوي صويلح مصنوع من النحاس ودلوي مصنوع من الحديد هذا هو الفرق بين ما سوف ادلو به انا وما دلوتم به انتم والله ما ني فاهم اي شيء من اللي كتبته


بهذه المناسبة الرائعة التي جمعتنا هنيا في هذا المكان وفي هذا الزمان ولقد مرت الايام سريعه جدا والحمد لله ان كميرات ساهر ما كفشتها مثل ما كفشت اخوي بالرضاع وهو مشخص ولم نشعر بهذه الايام وهاهي الايام تمضي وانشاء الله نلقاكم بعد العيد والكل لابس جديد الا خوي صويلح ما لقى ثوب يقدله

من على هذا المنبر اتقدم باسمي واسم عائلتي الكريمة المكونة من والدي ووالدتي والتي هي بعيده عني وتعيش مع بعض اخوتي وايضا باسم طنط فتكات >>> اللي هي مرة ابوي <<<< وولدها صالح اخوي من ابوي وخوي صويلح والمزارع هريدي والددسن حقي اللي شقى معي وتحمل معي الكثير فاننا نتقدم بالشكر لاصحاب هذا الملتقى الاخ فارس والاخ ابو صهيب والاخت حنان وايضا لن انسى الشخص الذي ارسل لي رساله وفيها رقم بطاقة الشحن واللي اسمه العلاقات الادارية وايضا اشكر المشرف العام والسنة على ما قدمه لنا من منوعات جميلة استفدنا منها جميعا وحتى ولو لم نفز واشكر الاخوان كلهم ونتمنى ان يكونوا تحملوا كلامنا والذي لم نقصد فيه اي اساءة لاحد وانما كان ترويح عن النفس واخص بالشكر الاخوين من الرضاعه الاول والثاني الهلالي وابو فاطمة واللذان كنت اتمنى ان اراهما في مكة حيث كنت لابس ثوب ابيض وشماغ بدون طاقيه ومعي سجاده بني وبيدي اليمنى مصحف طبعة المدينة وجالس جنبي اخوي من ابوي صالح لكن انشاء الله نراكم في فرصة اخرى اذا سيرتم لبريده فانتم على الرحب والسعه .

اخواني اليوم رحت شريت ثوب العيد وهو من الدفه وشريت شماغ البسام بصمه 8 وكنادر الله يعزكم لونها اسود وطاقية جبتها معي من مكه وشراب ابيض وعقال اسود وش رايك كل واحد يسدح لنا وش يبي يسوي يوم العيد الصبح انا عقب الصلاة نجتمع بالحاره ونفرش الصماط وكلن يجيب معه اكل حنا علينا الجريش والقرصان والمرقوق والتمر والقهوه وهكزا دواليك كل اهل الحاره تجتمع ونسولف ونعايد بعضنا ثمن اروح اسلم على الوالده واعيد عليها عاد ما يحتاج امي تضع بيدي المقسوم ياحظي .

[أبوفاطمه]

	المشاركة الأصلية كتبت بواسطة عليان

	اخواني من الرضاع بلشونا هاليومين بساهر وتارسين بريده الحين من الفانات اللي فيها الكاميرات لكن لا يهمونكم خذ وشف شلون نكشفهم

[أبوفاطمه]

ياجماعة لسه باقي بكرة لاحقين على الشكر الله يثيبكم اللي مايبي بكرة مايشارك يعلمنا عشان نرتز فيذا عشان نعبي الجوال الى خشته خخخخ

[عليان]

	المشاركة الأصلية كتبت بواسطة أبوفاطمه

	ياجماعة لسه باقي بكرة لاحقين على الشكر الله يثيبكم اللي مايبي بكرة مايشارك يعلمنا عشان نرتز فيذا عشان نعبي الجوال الى خشته خخخخ

وش اسوي يخوك شفت الكل يشكر قلت اصف معهم اشكر يمكن فيه هدية والا جائزة للي يشكر تخبر حنا مطافيق لا شفنا احد سوى شي سوينا مثله وما ندري وش السالفة مير ندربي رؤوسنا وبس

انا يا بعدي بعد ادور على الجهاز ولاكن هناك عدة انواع اسمائها الايسكورت والبترونك والفلنتينو والاسعار حسب ما وصلني من البعض انها ما بين الالفين الى ثلاثة الاف ريال والله مبلغ مهوب سهل لكن يخوك تهون قدام تدبيل المخالفة عاد انا ما شاء الله علي كل يوم مشوار بين بريده وعنيزه والرس ومن زود القراده انهم حاطين سيارات ساهر على هالخطوط يقولون والعهده على الرواة ان هالاجهزة موجوده في جده والرياض بس الى الحين ما لقيت احد يشوفلي اياها

[عليان]

بروح اتسحر ثمن اصلي وانام تصبحون على خير ولا تنسون تدقون علي بيجر اذا اعنتم اني الفايز

[alhilal]

	المشاركة الأصلية كتبت بواسطة عليان

	بروح اتسحر ثمن اصلي وانام تصبحون على خير ولا تنسون تدقون علي بيجر اذا اعنتم اني الفايز

نم قرير العين ياصديقي انا اول واحد بدق عليك بيااااااجر

[alhilal]

	المشاركة الأصلية كتبت بواسطة أبوفاطمه

	ياجماعة لسه باقي بكرة لاحقين على الشكر الله يثيبكم اللي مايبي بكرة مايشارك يعلمنا عشان نرتز فيذا عشان نعبي الجوال الى خشته خخخخ

ياخالي عاد انت منين طلعت لنا ههههههههههه مثل ماقال لك عليان شفناهم يشيلون شناطهم وشلنا شناطنا معاهم قصو علينا اجل ها:eat: