طريقة سهلة وشغالة لتحميل الالعاب والبرامج علي E250 عن طريق البلوتوث

[كريم القوصي]

السلام عليكم ورحمة الله وبركاته

انا جايبلكم النهاردة طريقة سهلة ولذيذة وشغالة مية مية لتنزيل الالعاب والبرامج علي السامسونج E250

الاول احب اشكر اخي رزيق علي الموضوع الرائع اللي هوه كاتبه

لكن انا وكتيير من اللي قروه الموضوع كان الجهاز بيعمل ريستارت ومبيكملش التستطيب

عشان كدة انا دورت و جربت لحد ماعرفت الطريقة دي

وبأذن الله هتشتغل مع اي جهاز سامسونج E250

يلا نبدأ

المتطلبات

جهاز سامسونج E250
وحدة بلوتوث


برنامج softic PPP

وطبعا برنامج الجافا ابلودير

واخر حاجة برنامج القرآن اللي هنزله علي الجهاز


المرحلة الاولي

اول حاجة هنعملها اننا هنوصل البلوتوث بالكمبيوتر

وهنسيب الويندوز يعرف البلوتوث من غير برامج

هنلاحظ ظهور رمز البلوتوث جنب الساعة


هنظغط علي الايقونة بتاعت البلوتوث كليك يمين ونختار Add bluetooth
بعد كدة هتطلعلنا الشاشة دي هنعلم صح علي الاختيار وندوس Next


بعد كدة الكمبيوتر هيعمل سيرش علي الاجهزة الموجودة

وهنا لازم نتأكد ان البلوتوث في الموبايل مفتوح وانه مش مخفي

بعد كدة هنختارالموبايل وندوس نكست



بعد كدة هنكتب اي رقم في الخانة دي وهندوس نكست بس لازم تبقي فاكر الرقم ده


هتلاقي الموبايل طلب منك انك تدخل الرقم السري فدخل نفس الرقم اللي كتبته في الكمبيوتر

ولو في اي خطوة الموبايل طلعلك رسالة عشان يعمل كونكت اضغط علي موافق

والخطوة دي عشان نعمل اقتران بين الموبايل والكمبيوتر



ولو كل حاجة مشيت تمام هتشوف في الاخر الشاشة دي



ولو دوست علي الايقونة بتاعت البلوتوث كليك يمين واختارت

Show bluetooth Devices هتشوف الجهاز بتاعك موجود






المرحلة التانية

تاني حاجة هنعملها اننا هنسطب البرنامج بتاع سوفتيك

بعد ماتنزل البرنامج دبل كليك علي الايقونة بتاعته



بعد كدة سطب البرنامج عادي جدا ومتقلقش من رسالة اللي هتتطلع دي



بعد كدة اختار زي الصورة دي



وفي الاخرهتتطلعلك الشاشة دي



وهتظهرلك رسالتين علي الموبايل بيطلب فيها كونكت للكمبيوتر اضغط موافق

وهتلاحظ ان البرنامج اشتغل وظهرت الايقونه بتاعته جنب الساعة



هتظغط كليك يمين عليها وتختار Settings



بعد كدة اختار Bluetooth /serial واختار صح قدام الجزء اللي تحت اللي مكتوب قدامه Bluetooth Virtual Ports



بعد كدة اضغط علي الايقونة بتاعت البرنامج كليك يمين واختار
Activate PPP



هتظهرلك الرسالة دي اضغط علي كنسل



هتتطلعلك رسالتين علي الموبايل بيطلب فيهم كونكت للكمبيوتر اختار موافق

بعد كدة لو وقفت بالماوس علي الايقونة لفترة هيكتبلك ان في جهاز متوصل بالكمبيوتر زي الصورة دي



مبروك انتا كدة قدرت توصل الكمبيوتر بالموبايل بنجاح وهتقدر تنزل كل اللي انتا عايزه علي الموبايل



المرحلة التالتة

اول حاجة هتنزل برنامج الجافا ابلودير وتشغله

وهتنزل برنامج القرآن وتختاره من خلال البرنامج




ركز معايا في الحتة الللي جاية دي

هتدخل الكود ده في الموبايل بتاعك

*
#
52828378
#
هتظهرلك قايمة اختار تاني واحدة

OTA type settings

بعد كدة هتختار تاني واحدة

Serial bearer OTA

بعد كدة تعمل باك وتختار تالت واحدة

Serial Test

بعد كدة تختار اول واحدة

PPP UP

بعد كدة تختار اول واحدة

Bluetooth

بعد كدة اختار تاني واحدة

Serial Download

المفروض انك هتلاحظ ان البرنامج بدأ هينزل من علي الكمبيوتر



وهتلاقيه بعد ثواني اشتغل علي الموبايل

واي برنامج هتنزله هينزل في Java world في قايمة Applications


لو حبيت تنزل اي برنامج تاني بتضيفه من خلال البرنامج وبعد كدة

بتدخل الكود وتخش علي طوول علي ال Serial Download

لكن لو الكونكشن اتقطع بين الموبايل والكمبيوتر هتعمل كونكت تاني

من خلال برنامج سوفتيك


ملحوظة : حتي تستطيع استخدام خدمة الGPRS مرة اخري اللازمة للدخول علي الانترنت او توصيل الجهاز ببرنامج السامسونج Pc Studio يجب عليك ادخال الكود وارجاعها مرة اخري من قائمة

OTA type settings

ثم اختيار

GPRS bearer OTA

يمكنك الان تنزيل الاف البرامج علي الموبايل

منها المتصفح الشهير اوبرا

Opera Jad
Opera Jar

كما يمكنك تحميل الاف الالعاب والبرامج من الموقع التالي
WWW.getjar.com

ويجب عليك تحميل الملفين jad و Jar ووضعهم في نفس الفولدر حتي يعمل برنامج الجافا ابلودير

واذا وجدت احد البرامج يوجد منه ملف واحد فقط Jar

يمكنك صنع ملف الJad له عن طريق برنامج ال Jad Maker

حمل من هنا ال Jad Maker

---

'vdrm sigm ,ayhgm gjpldg hghguhf ,hgfvhl[ ugd E250 uk 'vdr hgfg,j,e

[محمد نصر]

بارك الله فيكم اخي ****** كريم علي البرنامج والشرح

جزاكم الله خيرا

[كريم القوصي]

	المشاركة الأصلية كتبت بواسطة محمد نصر

	بارك الله فيكم اخي ****** كريم علي البرنامج والشرح جزاكم الله خيرا

بارك الله فيك اخي الكريم محمد نصر لمرورك العطر وردك الطيب

جزاك الله خيرا وجعله الله في ميزان حسناتك

[زكرلا]

بسم الله الرحمن الرحيم
الله يجزيك كل خير اخي الكريم فعلا شرح وافي وطريقة رائعة جدا جدا اسال الله العظيم ان يجعله في ميزان حسناتك
مشكور اخي
وتقبل تحياتـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــي

[الصيداح]

دائما راااااااااااااااائع يا بطل بارك الله فيك

[احمد نجاح]

جزاكم الله خيرا

[محمد عصام]

جزاك الله خيرا وبارك الله فيك اخى الكرم والفاضل كريم القوصي

[الينبعاوي]

والله ماني فاهم شي وكل المعلومات غلط في غلط