حقوق المرأة .. باللهجة الحجازية القح

[عليان]

قال إيه...حقوق المرأة..قال
ما يرفع ضغطي شي مثل كلمة حقوق المرأة وبالذات في السعودية .وهذه المشكلة طلعت متى ..بعد 11 سبتمبر ...سبحان الله يعني كانوا من ألف واربعمائة سنه نايمين وفجأة كده صحيوا وقال ..وه ..ياندامة ..إيش هذا إحنا لينا حقوق ..ياختي ..ياختي .ياختي ومثلا...الإنتخابات البلدية ليه ما نشارك فيها وليه ما نروح هناك.. ونرقع بالصوت
يا عمي .حلال عليكم البلدية كلها..يعني إيش تبغوا في وضع ضوابط إصدار الرخص لمحلات الحلاقة .مثلا ..ولا سفلتة الشارع إلي يودي على بيت أم إبتسام...المسكينة شعرها بيتنكش...ولا ليه الشارع الفلاني ما فيه كوافيرة مغربية وكل الي فيه مصريات...يا أختي ريحي راسك.. اذا كثير من الرجال ما انتخبوا أحد... بالله عليكي حتسيبي بيتك وعيالك وشغلك... علشان تناقشي مشروع إنتخابي .... والله من فضاوتها... طيب قولوا لوحده زواج أختها الليلة.. بلاش تروحي للكوافير اليوم يا مدام وتعالي سوف نناقش حقوق المرآة و سوف نتخذ قرارات مهمة وأترك لكم جوابها.إيش يكون ؟ .. يا عمي في بلدان كثير عربيه وأوروبيه تلاقي شحط طويل عريض جالس في الباص ..وقدامه وحده في الشهر التاسع واقفه على رجولها وواحد شايلته.على كتفها...إن الشحط يتحرك.... أبدا...إن الثور يحس ...لايمكن ...إشتري راسك العملية كلها دلع حريم في دلع حريم ..وأعطيكم بعض الأمثلة ....قال حقوق المرأة.....قال .......
منظر عام
رجال محترمين زي الورد واقفين أمام صراف في بنك.... وتأتي هذه المرأة المهضومة الحقوق تتقدم للصراف مباشرة غير مبالية بالطراطير الواقفين من ساعات وبعضهم مستأذنين من عملهم لمدة ساعة .....طيب ليه ما توقف وراء عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج وإذا أحد كلمها وقال لها تفضلي يا أختي تصرخ وتقول ....لو سمحت المرأة مثل الرجل خليني في الطابور...ولا هي تماحيك بس ...
ونفس المنظر في الجوازات والأحوال والتأمينات...ويقدر أحد يقول إنه من ظهر أبوه يفتح فمه ...على طول يسمع العبارة الشهيرة ...(( عيب عليك إنت ما تستحي هذي حرمة...إنت ما عندك أهل )) ..ويضطرالرجل أنه ينثبر ويسكت............. قال حقوق المرأة ......قال.....
اقتصاديا
شوف الرجل... السبع... الغضنفر... المفتري...له ثوبين أو ثلاثة في السنة وامرأة بسلامتها بقيمة أدوات ماكياجها فقط... تقدر تفتح بيها محل خياطة رجالي محترم ويا ريت تحط منه في البيت ...بس للخرجه ...وبقيمة صباع روج ولا علبة بودره مفعوصه تساوي قيمة جواله ...وكمان ازيدك من الشعر قصر مو بيت... من حقوقها... فستان لكل فرح... و مكياج... و كوافيرة...وجزمة ..وشنطه... وكمان خذوا هذه سابع بنت عمي ...ملكة أخت جارتنا ولازم هديه... واللطخ يدفع ...مو مهم الفلوس جات من فين ...المهم يدفع...والدنيا ممكن تنقلب علشان موضوع مهم وحيوي زي كده... قال ايه حقوق المرأة.. قال.....
نفسيا
الزوج مطالب يكون أربعة وعشرون ساعة رومنسي ومبتسم ولا يبقى جلف وإبن ستين في سبعين
ويعني إيه عنده مشاكل في العمل...والا أقساط متأخره والا فواتير .والا مقاضي ما يعرف كيف يجيبها....والمفروض إنه يرجع من العمل وكأنه كان في شرم الشيخ... وراجع البيت مروق.. ومبسوط ..((مجرد مثل والعياز بالله ))
بينما هي وبكل سهولة تصحى بسلامتها الظهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود ممكن أكلمه لو سمحت .الو إيوه... أنا يعني حتكون مين يعني... المهم جيب معاك غدا... ماهو إنت يا فالح نسيت تجيب صلصه معاك أمس...ولإنه مو فاضي.. و قرفان من العمل.. يصدق المسكين إنه هو إلي نسي ويقول بكل شجاعة .....طيب
وفوق هذا كله آخر السنه ...طفشانه ...فين حتودينا ...والله بنت خالتي راحت ماليزيا ...يا عيني علينا إلي ما نروح غير سوريا
وفي رمضان .تعبت ..أوف ...إنت داري بحاجه... أنا أبغى خدامة... أنا خلاص .ومن ثالث يوم رمضان ...مقاضي العيد... من جده ...أختي جابت ليها ملابس ولعيالها ...إيش ..ما أقولك...وخذ مشاوير لليييييييييييل... وتقدر تنزل السوق لوحدك لو مشتهي شي... على طول تكون مشبوه ..إيش نزلك لوحدك وسط الحريم.؟...قال إيه حقوق المرأة قال
شرعا
والله لأعطيكم على راسكم شرعا أولا موضوع للذكر مثل حظ الأنثيين لإن المرأة لها حظ من أبوها وحظ من زوجها وغير أمها وأخوانها وأبنائها
وثانيا .رايحين للمسجد خمس مرات جمع وجماعات حر..أو..برد..ليل .صبح..لازم نروح...بينما ربات الخدور تحت المكيف في غرفتها و أجرها مثلنا تماما ...ياعيني ..يا عيني..ونروح جهاد لو رحنا أو حلقات العلم أو حتى نزور القبور وغيرها كثير .والمرأة بسلامتها تأخذ أجر كل هذا بابتسامة والله الإسلام أعطاكم كثير .
اه... طلعت إلي في صدري خلاص..... إرتحت

---

pr,r hglvHm >> fhggi[m hgp[h.dm hgrp

[عليان]

تصدقون ماني ملحق على ردودكم ما شاء الله انا ادري موضوعي شيق ما تشفون الان وصل عدد الردود بالمئات هههههههههههه

عبرونا وردوا علينا تراي بزعل

[أحمد تركى]

بـــــــــارك الله فيك اخى عليان موضوع شيق

[ابو الوليد البتار]

جزاك الله خيرا اخي ****** عليان

[عليان]

	المشاركة الأصلية كتبت بواسطة أحمد تركى

	بـــــــــارك الله فيك اخى عليان موضوع شيق

مشكوووووووووووووووووووووووووور على مرووووووووووووووووووووورك

[عليان]

	المشاركة الأصلية كتبت بواسطة ابو الوليد البتار

	جزاك الله خيرا اخي ****** عليان

مشكووووووووووووووووووووووور اخوي توقيعك يخرع

[عمرو القوصي]

أسأل الله لك رزق مريم وقصر آسيا وتقوي عائشة

وقلب خديجة ورفقة فاطمة وجمال يوسف ومال قارون

وحكمة لقمان وملك سليمان وصبر أيوب وعدل عمر

وحياء عثمان ووجه علي ومحبة رسول الله صلي الله عليه وسلم

وميعاد آل ياسر

اللهم امين

[مزنه]

وقال ..وه ..ياندامة ..إيش هذا إحنا لينا حقوق
هههههههههههههههه
ياعليان موتني من الضحك هههههههههههه

[ام طارق]

جزاك الله خيرا اخي الفاضل
موضوعك شيق
الله يهدي الجميع
يارب

[شريف حمدان]

جزاك الله خيرا